oggupons lífsmark :)

Hef bara ekki nennt að setjast við tölvuna :(  Kallinn atvinnulaus eins  og er :/ hefur því verið heima í rúma viku......hann er bara að spá í að gerast verktaki þangað til hann klárar sitt meistaranám sem verður um áramót. Æðislegt á þessum síðussssstu og verstu .) hehe maður opnar ekki orðið fyrir útvarpið öðruvísi en heyra eitthvað neikvætt.....Hér er kreppa um kreppu frá kreppu til ríkidæmis  hahaha er svo fyndin ég veit :)

Verð að setja hér inn smá frá skottunni minni. Við vorum með matarboð síðustu helgi og sátu allir við borðið voða uppteknir af því að borða þegar mín kona segir allt í einu......þið eruð bara öll dónar sem sitjið hérna við þetta borð ...... Haaa sagði ég af hverju segir þú það.......ég var sko að hnerra og ekkert ykkar sagði guð hjálpi þér við mig  hahahaha

Knús og kossar á ykkur yndisleg

Erfiður en ánægjulegur dagur :)

Þessi dagur var frekar erfiður en jafnframt skemmtilegur,,,,,byrjaði á því í morgun að skutlast með Jóa spóa á íþróttahátíð í leikskólanum, hann er loksins orðin hitalaus :) mætti svo aftur í leikskólann um kl:10 til þess að taka myndir af hinu árlega hlaupi leikskólabarnanna. Lögreglubíll leiðir hlaupið hjá þeim, það þykir þeim alltaf jafn spennandi  eftir hlaupið fara börnin svo í allskonar íþróttaleiki og þrautir :) Um tvöleytið sótti ég afar hamingjusaman leikskólastrák.

Skottan mín fékk þessa líka snilldar hugmynd um hádegi að bjóða hverfisbörnum í grillpartý OMG áður en ég vissi af var ég búin að samþykkja að búa til boðsmiða í tölvunni sem hún svo ætlaði að bera út í húsin  jájá um sexleytið grillaði ég um 30 pylsur ofan í krakkaskarann (með krúttmund í fanginu,hvað annað) hingað komu ca. 25 manns í dag en 19 í grillpartý   Mikið gaman og mikið fjör hjá þessum krökkum, skelltu þau sér í vatnsstríð með vatnsblöðrum og hjólakeppni.

Hjólakeppnin  fór þannig fram að þau stilltu sér öll upp við rásmark og hjóluðu einn stóran hring og vann sá sem fyrstur kom í mark :) Jóhann Gabríel var yngstur og sá eini sem enn er með hjálpardekk á hjólinu sínu og hvað haldið þið hann var auðvitað laaaang laaaang síðastur í mark og þegar minn maður loks kom í mark (aleinn ) þá hrópaði hann ég er fyrstur ég vann.......æjjji þá voru hin öll komin í mark og farin annan hring  HAHAHA litla krúttið mitt svooo sæll og glaður.... allir fengu svo ís á eftir. Klukkan 21 voru þau svo farin að sofa alveg rosalega ánægð með daginn.

Krúttmundur átti hins vegar ekki eins ánægjulegan dag var frekar ergilegur en tók samt virkan þátt í þessu öllu í mömmufangi. Mömmuskrokkur líka búin á því :( Tekur mikið í eyrun, en ég stíliseraði hann nokkuð í dag og hresstist hann þá svolítið við......það var bara ekki nokkur leið að hanga inni í svona blíðskapar veðri með litla kútinn :) vona að honum verði nú ekki meint af.

PS..Byrjaði að skrifa þessa færslu um kl 22 í gær og er að enda núna kl 01:30 þar sem litli kútur er frekar óhress og alltaf að vakna þá hefur þessi færsla gengið frekar seint og illa hjá mér......um miðnætti þurfti ég að taka legginn því það var farið að blæða og hann kvartaði sáran undan honum,,,,hringdi á lansa, sögðu þau mér bara að taka hann :(

Knús inn í nóttina

 

Krúttmundur kvartsári

Þessi dagur var frekar erfiður hjá krúttmundi litla :( eftir lítinn sem engan nætursvefn vorum við mætt á Lansa rétt fyrir níu í morgun, byrjuðum á því að hringsóla í ca 10 - 15 mín í leit að bílastæði  getur það verið að erfitt sé að fá stæði þar hmmm. 

Lena tók á móti okkur og byrjaði að hafa til lyfin meðan læknanemi skoðai lilla boy, kom þá í ljós að hann er kominn með eyrnabólgur í bæði eyrun sín, lungun eru bara þokkaleg.....einnig er hann með einhvern vibba í kringum annað augað og munninn en hún gat svo sem ekki sagt mér hvað þetta er ;/ eftir skoðun var komið að því að finna hentuga æð fyrir legginn, auðvitað gekk það ekki vel frekar en fyrri daginn og var minn maður ekki neitt sérstaklega ánægður með þessa meðferð, láta stinga sig aftur og aftur  hann lét þær sko í sér heyra......æji :( hvað mér þykir þetta alltaf jafn erfitt.

Hann var frekar ergilegur í dag og grét mikið, mátti helst ekki yrða á hann og vildi hann bara láta mig ganga með sig um gangana úffff hvað ég er orðin þreytt í skrokknum, aftur farin að þurfa að taka íbufen við verkjum í öxlum og baki, það tekur á að ganga í nokkra tíma með 10 kíló nánast alla daga. Hann sígur sko þokkalega vel í þessi elska :) Lena gaf honum svo tvo stíla og leið honum þá aðeins betur :)

Loks kom höfðinginn hann Ásgeir, kíkti á kauða og hélt jafnvel að þetta hjá auganu og munninum væri handa- fóta og munn vesenið (ginið og klaufinn) Ásgeir tók sýni til ræktunar úr nefinu á Krúttmundi og ákvað að gefa honum sýklalyf í æð út af eyrunum og vildi hann að leggurinn yrði ekki tekin því hann á að fá aðra lyfjagjöf í æð á fimmtudaginn. Þá ætlar hann að kíkja betur á hann...

Ekki hefur mér gengið neitt sérlega vel með þessa færslu því krútti litli er alltaf að vakna svo ég nenni ekki meiru í kvöld. Er líka orðin frekar dofin af þreytu.

Góða nótt og guð geymi ykkur

 

Þreytt og lööööt :)

Ekki var þetta alveg það sem ég þurfti, litli kútur komin með 39°c hita og svaf lítið í nótt. Thelma mín var að vinna til miðnættis svo ég fór ekki inn fyrr en um eittleytið og var vöknuð aftur um klukkan hálf fjögur í nótt ,litli kútur grét sárt og var komin með hita, reyndi að ganga um gólf með hann inni í herbergi í ca klukkutíma ( vil helst ekki að hann fari fram á nóttunni) en gafst þá upp og fór með hann framm........... :( skottan vaknaði um hálfsex því ég hafði leyft henni að kúra í mömmu holu og vaknaði hún þegar ég ætlaði að reyna að leggja hann. Um hálfsjö náði hann loks að sofna en þá var skottan ekki að ná að sofna aftur þannig að við fórum fram og byrjuðum bara daginn snemma. Jóhann Gabríel og Thelma voru svo vöknuð um sjö því Thelma var að fara að vinna.... Núna er ég svoooo þreytt og löööööööt að mig langar helst að  sitjandi :( Held ég að skottan eigi eftir að sofna snemma í kvöld. 

Við eigum að mæta í þriðju lyfjagjöfina í fyrramálið kl 9  æjjjjjjjji hvað ég er ekki að nenna því, það er spáð svo góðu veðri....langar svooo að fara að planta sumarblómum í potta. það verður víst að bíða betri tíma  Æjjæjjóóó aumingja ég  hehe

knús

Þatta er bara snilld :)

           Mér þykir þetta samt frekar ógeðslegt.........

Kaldir karlar

Vááá hvað það fer hrikalega fyrir brjóstið á mér þegar fullorðnir karlmenn leyfa litlum drengjum ekki að gráta ef þeir meiða sig............ég varð vitni af því í dag að lítill krúttköggull ca. ,3-4 ára drengur datt og fékk smá blóðnasir og fór að vonum að gráta. Ohh mér þykir það bara svo eðlilegt að hann hafi farið að gráta þessi litli stúfur því hann hefur eflaust meitt sig og sá blóð

En hvað gerði pabbinn.............hann byrjaði á því að sussa á hann og segja svona svona þetta er ekki neitt uss uss uss hættu þessu væli, þú ert bara eins og einhver lítil stelpa  Litli snáðinn reyndi eftir fremsta megni að hætta að gráta en átti nú svolítið erfitt með það, æji litla krúttið,,,,, ég kenndi í brjósti um hann. Úfff... hvað ég þoli ekki svona karlmenn sem þykjast vera svo miklir “harðjaxlar” af hverju má lítill drengur ekki gráta ef hann meiðir sig rétt eins og lítil stelpa, ég tel þetta vera afskaplega eðlileg viðbrögð við sársauka, bara ósköp eðlilegar  tilfinningar sem brjótast út við þessar aðstæður..........en það eru ekki allir karlmenn sem þola það að sjá annað fólk gráta, ekki einu sinni lítil börn með eðlilegar tilfinningar. Mín skoðun er sú að þessir menn sem bregðast svona við þegar barn meiðir sig og fer að gráta, eru menn sem eru karlrembur með bældar tilfinningar ( hefðu bara átt að vera uppi á ísöld, eru með svooo kalt hjarta  hehe) Er kannski enn verið að reyna að ala upp karlrembur, nei, ég trúi því ekki....Það veit minn maður að ég þoli illa svona “hörkutól” því ég hef alveg látið mína skoðun í ljós við hann þegar minn sonur meiðir sig þá á hann það til að gera bara lítið úr meiðslunum og segir t.d nei hvað er að sjá datt fóturinn af ef hann meiðir sig í fætinum einnig á hann það til að segja við eldri soninn það eru bara stelpur sem væla og ekki finnst honum nein not í plástrum  nema þegar um stór sár er að ræða en ég tel að plástur geti svo vel hjálpað til við lítil sár, bara svona sálarlega séð hahaha. Af hverju ekki að taka bara drenginn upp og leyfa honum að njóta þess að láta hugga sig og leyfa honum að finna að okkur þykir vænt um hann...Þessir menn eru eflaust svona vegna uppeldis sem þeir hafa fengið, þetta virðist ganga svona mann fram af manni. Minn maður vill ala syni okkar upp sem harða karlmenn en ég vil ala þá upp sem mjúka menn hahaha ,,,, ekki auðveld staða en heldur ekki svo slæm því kallinn er aldrei heima  muhahaha.  Held að það sé meira virði að leggja áherslu á eitthvað annað en að vera harður af sér. Ég er feitari og frekari svo þetta verða nú eflaust hinir mýkstu menn þegar þeir eldast  hahaha Ég veit að minn ekta eiginmaður les bloggið mitt og tekur því alveg örugglega ekki illa að ég sé að skrifa um hann hér því hann viðurkennir það fúslega að vera karlremba og skammast sín ekkert fyrir það (ég skammast mín nú stundum fyrir það ) hahaha.... Hann er bara öðrum góðum kostum gæddur þessi elska  Strákar eiga að gráta og sína tilfinningar sínar rétt eins og stelpur  Hana nú sagði hænan og gaggaði í hanann..

Knúsiknús á ykkur fallega fólk sem nennið að lesa tuðið í mér 

Jææææjja..............

Ekki líst mér neitt sérdeilis vel á það sem hann Ívar var að segja á Bylgjunni í morgun........hann var að lesa einhverja frétt frá USA að flugfélög þar væru að spá í að breyta flugfargjöldum í flugmiða pr kíló þ.e.a.s hvert flugfargjald miðast við þyngd hvers og eins.........já, t.d ef við fjölskyldan ætlum að skella okkur út í fjölskylduferð þá væri ekki hægt að greiða fyrir miðana fyrr en öll fjölskyldan væri  búin að stíga á vigtina hjá flugfélaginu....omg þetta segja þeir að verði að gera vegna hækkandi olíuverðs. Jú, eftir því sem farþegar eru þyngri því meira eldsneyti. jesemías

Hvað skyldi kosta fyrir mig sem er um 60 kg til Ameríku með Icelandair ef þeir tækju þessa vitleysu upp............við skulum sjá, getur þú komið við á einhverri skrifstofunni okkar og stigið á vigtina svo ég geti gefið þér upp verðið á fargjaldinu hahaha,,,,,,, jesemías minn,,,,,,þvílíkt bull........eiga bara þeir sem eru grannir eftir að ferðast í framtíðinni?

 

Smá fréttir af litla kútnum, hann er bara nokkuð brattur þessa dagana utan vírusútbrota um allan búk og í andliti, eyrun eru bara semí og lungu bara þokkaleg......hiti hefur ekki farið yfir 38.5 síðan fyrir síðustu helgi sem er ansi flott........... það er eitthvað svo miklu bjartara yfir honum þessa dagana, brosir meira, geðbetri og ekki eins kvartsár  þurfti samt að kíkja með hann til doksa í gær og tók það aðeins þrjá og hálfan tíma í bið á biðstofunni,,,,,alltaf stuð á biðstofum lækna  hehe

Það er ekki víst að ég geti verið dugleg í blogginu næstu daga,,,,,,,,,,,,af hverju? jú það er svo brjálað að gera hjá mér í trampólín skiptiskipulagi að það er ekki normal. Er að vísu komin með klukkuna úr eldhúsinu til þess að nota sem skiptitíma svo allir geti verið jafn lengi hahaha það eru náttl allir sem vilja prufa og til þess að koma í veg fyrir leiðindi meðal barnanna í hverfinu þá nota ég klukkuna og leyfi tveimur að hoppa í einu 10 mín í senn..........þannig eru allir sáttir hélt að þetta væri ekki svona vinsælt ennþá, þar sem þetta er við annað hvert hús liggur við....en svona er þetta nú bara ;)

Einnig er ég með Jóhann Gabríel í aðlögun á leikskólanum og með aukabarn, Fanný snúlluna hennar Mundu vinkonu,svo við sjáum til hversu dugleg ég verð næstu daga að blogga :)

Þangað til næst krúttin mín

Mætt aftur :)

Jæja...... þá er maður mættur hingað aftur ,búin að jafna mig á þessu öllu saman :) hehe

VARÚÐ löng færsla..

Sú tilfinning að finna ekki barnið sitt er hrikalega vond, þannig var að Jóhann Gabríel spurði mig um kl 16:00 hvort hann mætti fara inn til vinar síns (vinur nýorðin 6 ára) sem býr í húsinu við hliðina á okkar og auðvitað mátti hann það. þegar ég ætlaði svo að sækja hann rétt fyrir kl 17:30 þá bara hafði hann ekkert farið þangað inn heldur mætti hann vininum í dyrunum og ákváðu þeir að leika fyrir utan húsið hans þegar einn lítill 5 ára gutti kom og bauð þeim heim til sín á trampolin í hinn enda bæjarins.......omg hvað ég varð strax hrædd því það er jú bara hraunið fyrir ofan okkur og auðvitað fór hugurinn á flug og allar verstu hugsanir mættu á svæðið, ímyndaði ég mér meðal annars að annar hefði dottið ofan í gjótu í hrauninu og hinn kannski ætlað að hjálpa en dottið líka ofan í...... Ég var búin að keyra um allar götur í hvefinu og víðar en hvergi sjást til þeirra einnig var ég búin að stoppa alla þá bíla sem ég þekkti og biðja um aðstoð við að leita að drengjunum. Kl 19:30 voru alla vega 8 bílar að keyra um Grindavík í leit að þeim og nokkrir hjólandi um en ekki fundust þeir, ég var farin að grenja um þetta leiti og orðin frekar örvæmntingarfull, ákvað að hringja í Otta sem er flokkstjóri Thelmu í björgunarsveitinni og byrjaði hann að keyra um og leita,svo um kl 20:00 hringdi Otti í mig og var hann þá einnig orðin smeikur og vildi setja af stað skipulagða leit og hafði hann samband við lögregluna. Um kl 20:30 hringdi hann Otti aftur og bað mig að koma niður í Björgunarsveitarhús því þeir væru að fara af stað með skipulagða leit og lögreglan væri á leiðinni. Þegar ég kom niður í Bjhús kl 20:48 fékk ég hringingu frá Elínu systir og hafði ein mamman sem hjálpaði til við leitina fundið drengina rétt hjá kirkjunni, höfðu þeir þá verið heima hjá þessum dreng allan tíman á trampolini...ég var algjörlega að fara yfir um þegar ég steig út úr bílnum, búin að keyra í marga klukkutíma í leit af þeim, þá náttla bara nötraði ég eins og hrísla.... þegar ég kom heim var ég með svitabletti undir höndum eins og sveittur feitur kall :) hahaha og daginn eftir var ég með strengi um allan skrokk....Ég sem hélt að ég hefði upplifað það versta þegar ég kom að litla kút meðvitundar litlum að kafna í rúminu sínu í enda Mars.......nei nei aldeilis ekki......greinilega alltaf hægt að bæta við sig skelfilegri reynslu :(

Thelma náði öllum samræmdu prófunum og útskrif í dag kl 16 svo verðum við að finna okkur hentugan tíma til að fara út að borða saman bara við tvær,því ég var búin að lofa henni því :)

Jæja ætli þetta sé ekki bara orðið gott í bili.

Ps. Fór og verslaði eitt stórt ferlíki um helgina tek sko ekki séns á að láta heilla hann aftur í burtu frá heimili sínu. Nú getur hann hoppað og skoppað á trampolini í garðinu heima hjá sér alla daga  hehe