Eru fréttirnar ekki bara lygi?

Já, skottan mín spurði mig í gær hvort fréttirnar í sjónvarpinu væru ekki bara lygi......hún sagði þetta getur ekki allt verið satt sem er þarna......er þetta ekki bara svona menn í dulargerfum að segja okkur bara lygi....eins og í teiknimyndum og Simpson þá tala aðrir bakvið og það er ekki allt satt sem þeir segja og svo er bara notuð tómatsósa þegar einhver á að deyja :) hehehehe þvílíkar pælingar hjá 6 ára barni  mikið væri það nú gott ef ljótar fréttir væru nú bara lygi.

 

Ég mætti með litla kútinn í lyfjagjöf í gær niður á barnaspítala að henni lokinni fór ég heim svekkt og sár því það var ekki viðlit að fá lækni til að skoða barnið þarna á dagdeildinni, það var enginn við nema bara einhver nemi sem ekki gat skoðað á barninu eyrun því hann er með svolítið þröng eyrnagöng og eiga sumir erfitt með að skoða eyrun hans einnig óskaði ég eftir því að láta lækni kíkja á bleyjusvæðið því hann er ræfilstuskan með sveppasýkingu og flakandi sár niður á hné liggur við og þegar hann er á sýklalyfjum þá er svo erfitt að ráða við þetta. Ákvað hjúkkan að hringja niður í Ásgeir lækni trufla hann á málþingi og ætlaði hann að kíka á okkur í kaffitímanum kl 3 þegar hann kom þá var hann á mikilli hraðferð,hann var alveg sammála um að hann þyrfti eitthvað sterkara en þau krem sem seld eru án lyfseðils og ætlaði að ávísa okkur einhverju öðru en fór bara án þess að gera það  ARRGGH  þannig að eftir viðveru á barnaspítalanum frá 9 - 4 þá þurfti ég að leita annað eftir læknisaðstoð svo ég brunaði með hann í Keflavík til okkar barnalæknis til þess að láta skoða hann svo hann fengi viðeigandi meðferð við sínum vanda. Hann lét hann hafa viku skammt af sveppasýkingarlyfi til inntöku sem kostaði ekki minna en 7500 kr takk fyrir. Eyrun hans eru bara ágætl, bara vökvi í öðu og aðeins roði í hinu þannig að þau sýklalyf sem hann er á núna eru að virka sem er mjög gott mál,annars er hann bara nokkuð brattur þessi elska var að vísu orðin ansi þreyttur eftir daginn,við vorum ekki komin heim fyrr en um  sexleytið. 

Einnig var ég að vona að það yrði komið út úr þeim rannsóknum sem gerðar voru fyrir mánuði síðan en svo var ekki :( Held að ég sé í einhverju dramaksti þessa dagana vegna þreytu, þá fer allt sem viðkemur veikindum drengjanna minna eitthvað svo í pirrurnar á mér og þá þoli ég svo illa að fá ekki almennileg svör og þjónustu. Viðkvæm kelling hitaði sér velling og ............hehehe Tek það fram að upp til hópa er starfsfólk barnaspítalans yndislegt og á heiður skilið fyrir vel unnin störf :)

Litli prinsinn er að vakna svo ég ætla ekki að hafa þetta lengra núna, hafið það sem allra best á þessum líka bjarta degi